F’intervista li kien qed jagħmel ma’ ġurnal Brażiljan, id-difensur internazzjonali Thiago Silva ma ċaħadx li jixtieq jagħlaq il-karriera tiegħu ma’ Fluminense.
Silva, li llum il-ġurnata għandu 39 sena, bħalissa jinsab fuq il-kotba ta’ Chelsea fejn ilu magħhom għal dawn l-aħħar tliet snin.
Silva qal li jinsab lejn l-aħħar tal-karriera tiegħu u jirrikonoxxi li Fluminense tawh ħafna tul iż-żmien li qatta’ magħhom. Hu lagħab magħhom għal tliet snin bejn l-2006 u l-2009.
