Hekk kif Real Madrid xejn m’huma għaddejjin tajjeb wara l-aħħar telfa ta’ 1-0 li sofrew kontra Valencia, tkellem il-goalkeeper Thibaut Courtois li aktar xtaq jiffoka fuq l-insulti razzisti li rċieva l-kollega Vinicius Junior f’Estadio Mestalla.
Courtois qal li kieku seta’ kien jitlaq ‘il barra mill-grawnd ma’ Vinicius u kien ferm irrabbjat meta hu ġie ammonit f’azzjoni li kien jinvolvi lil Hugo Duro ta’ Valencia.
Courtois qal li m’hemmx post għar-razziżmu fil-grawnd u minkejja li għaddew għexieren ta’ snin, il-problema għadha magħna.
