Il-manager ta’ Chelsea, Thomas Tuchel talab lill-ġerarkija tal-club biex jakkwista attakkant ġdid matul it-tieqa tat-trasferimenti ta’ Jannar.
Il-Blues nefqu rekord tal-club ta’ £97.5m biex reġgħu ffirmaw lil Romelu Lukaku matul is-sajf, u l-internazzjonali tal-Belġju skorja erba’ darbiet fi 11-il dehra għall-club mill-kapitali Ingliża mar-ritorn tiegħu.
Lukaku bħalissa jinsab barra mill-azzjoni bi problema fl-għaksa, madankollu, u Tuchel jinsab imħasseb l-aktar għax jiddependi wisq fuq dan l-attakkant għall-goals.
Minħabba f’hekk, il-manager ta’ Chelsea allegatament ta struzzjonijiet lill-bord tal-club biex jagħmel offerta għal attakkant ġdid meta tinfetaħ it-tieqa tat-trasferimenti tax-xitwa għan-negozju.
Chelsea huma maħsuba li huma wieħed minn numru ta’ clubs ħerqana li jiffirmaw lill-attakkant ta’ Borussia Dortmund Erling Braut Haaland is-sena d-dieħla.
