Il-manager ta’ Chelsea, Thomas Tuchel, huwa rrappurtat li m’għandu l-ebda intenzjoni li jħalli lill-Blues biex jingħaqad ma’ Manchester United.
Nhar il-Ħamis, Chelsea ntlaqtu minn sanzjonijiet mill-Gvern Ingliż, konsegwenza tar-rabtiet tas-sid Roman Abramovich mal-president tar-Russja Vladimir Putin.
Kawża t’hekk, Chelsea, ma jistgħux jixtru jew ibigħu players fis-sajf, u lanqas ma jistgħu jinnegozjaw termini ġodda ma’ players li għandhom ikunu skambjati aktar tard fl-2022.
Huwa mifhum li Manchester United huma lesti li joffru kuntratt lil Tuchel jekk huwa jiddeċiedi li jħalli r-rwol tiegħu fi Stamford Bridge, jew jekk Chelsea jilħqu pożizzjoni fejn ma jifilħux il-pagi tiegħu.
Madankollu, il-Ġermaniż jingħad li huwa impenjat fix-xogħol tiegħu ma’ Chelsea u mhux qed jippjana li jqis rwol ieħor fl-istaġun li ġej.
Chelsea ġew inkurunati champions Ewropej u tad-dinja minn meta Tuchel ħa t-tmun tagħhom bħala manager f’Jannar 2021, filwaqt li serje ta’ rebħiet ta’ erba’ logħbiet ikkonsolidat it-tielet pożizzjoni tagħhom fil-klassifika tal-Premier League.
