Il-plejer tar-Rugby Luke Thompson mistenni jirritona fl-iskwadra ta’ 19-il plejer tat-tim nazzjonali Ingliż hekk kif dawn tal-aħħar se jikkompetu fis-semifinali tat-tazza tad-dinja tar-Rugby League. Huma se jibdew l-impenji tagħhom kontra Samoa, tim li jafuhom sew minħabba li diġa’ affaċċjawhom fil-fażi tal-gruppi s-sena l-oħra.
Thompson se jieħu post Matty Lees li jinsab imweġġa’. L-Ingliżi waslu sa din il-fażi wara li kellhom fażi tal-gruppi pożittiva apparti li għelbu lil Papua New Guinea 46-6.
Thompson hu kkunsidrat bħala pedina importanti hekk kif wettaq diversi tries interessanti waqt il-logħob internazzjonali mal-Ingilterra.
