Nico Antic, tifel ta’ 12-il sena li ġie attakkat minn kelb il-baħar il-ġimgħa li għaddiet, miet kawż tal-ġrieħi li sofra.
Midja internazzjonali rrapurtat li l-Ħadd li għadda, Antic ġie attakkat minn kelb il-baħar waqt li kien qed jgħum ma’ sħabu f’Nielsen Park fil-Port ta’ Sydney.
Fi stqarrija, il-ġenituri ta’ Nico qalu li qalbhom hija maqsuma. Huma ddiskrevew lil Nico bħala tifel ferrieħi, dħuli u li kien ġeneruż ma’ bosta.
Il-ġenituri rringrazzjat lit-timijiet fl-Isptar tat-Tfal ta’ Sydney “għal dak kollu li għamlu biex jieħdu ħsieb Nico”, kif ukoll lil dawk fil-komunità tal-appoġġ li taw lil familja matul dawn il-jiem diffiċli tagħhom.