Tifla weġġgħat wara li aktar kmieni għall-ħabta tal-11:30 a.m kienet involuta f’inċident tat-traffiku fi Triq l-Abate Rigord, Ta’ Xbiex.
Minn stħarriġ illi sar irriżulta li tifla ta’ tliet snin intlaqtet minn vettura tal-għamla Renault Captur misjuqa minn raġel ta’ 35 sena residenti Birkirkara.
It-tifla ttieħdet l-Isptar Mater Dei minn xi familjari u aktar tard ġiet iċċertifikata li sofriet minn ġrieħi gravi.
L-investigazzjonijiet mill-Pulizija għadhom għaddejjin.
