L-attakkant ta’ Chelsea Timo Werner qed jippjana li jikkunsidra l-futur tiegħu fil-club fi tmiem l-istaġun attwali.
L-ex player ta’ RB Leipzig fil-biċċa l-kbira naqas milli jimpressjona fl-istaġun 2020-21 iżda xorta rnexxielu jtemm l-istaġun bi 12-il goal u 15-il assist minn 52 logħba fil-kompetizzjonijiet kollha.
Il-wasla ta’ Romelu Lukaku rat lil dan il-player ta’ 25 sena jonqos milli jiġi utilizzat b’mod regolari fi Stamford Bridge, u huwa beda biss tnejn mis-sitt logħbiet tal-Premier League tal-Blues s’issa f’dan l-istaġun.
Werner jista’ jikkontempla tluq bikri minn Chelsea jekk jonqos milli jiskeb postu lura fil-formazzjoni inizjali ta’ Thomas Tuchel fuq bażi regolari.
Werner xorta jrid jibqa’ jiġġieled għal postu fil-Punent ta’ Londra, iżda jista’ jmur lura lejn il-Ġermanja jekk jagħżel li jtemm il-karriera tiegħu mal-Blues.
L-attakkant jibqa’ kuntrattat ma’ Chelsea sal-2025 wara l-wasla tiegħu għall-ammont ta’ £47.7miljun fl-2020.
