Mara ta’ 63 sena residenti Ħal Qormi sofriet ġrieħi gravi wara li ntlaqtet minn karozza.
L-inċident seħħ illum għall-ħabta ta’ 12.00p.m., fi Triq il-Kbira San Ġużepp, il-Ħamrun.
Minn investigazzjoni preliminari rriżulta li l-mara ntlaqtet minn Citroen Berlingo, li kienet qed tinstaq minn raġel ta’ 71 sena residenti l-Ħamrun.
Il-vittma ngħatat l-għajnuna minn tim mediku u ttieħdet l-Isptar Mater Dei b’ambulanza. Aktar tard kienet iċċertifikata bi ġrieħi gravi.
L-investigazzjonijiet tal-Pulizija għadhom għaddejjin.
