Matul il-jum tal-Ħadd, ġiet organizzata l-ewwel Classic Motor Show b’risq Puttinu Cares. Attività li niżlet tajjeb ferm mad-dilettanti tal-karozzi klassiċi kif ukoll għall-familji. Bil-parteċipazzjoni u l-ġenerożità inġabret is-somma ta’ €11,400.
Dan qalitu Puttinu Cares fuq il-paġna ta’ Facebook, fejn irringrazzjat lil kull min attenda, ta donazzjoni, u lil dawk l-organizzazzjonijiet u l-individwi li għenu sabiex dan l-avveniment kien possibbli jittella’.
Puttinu irringrazzjat ukoll lit-tim ta’ Burmarrad Group tal-ħidma bla heda u tal-volontarjat tagħhom minn wara l-kwinti biex dan l-avveniment kien ta’ suċċess. suċċess.
