L-ewwel edizzjoni ta’ Tinkering Days ser issir nhar is-Sibt 14 ta’ Settembru fil-Valletta Design Cluster. Dan l-avveniment ġdid u eċitanti, ispirat mill-moviment Global Maker, jiċċelebra l-inġentità u l-passjoni tal-makers lokali, tal-kreattivi, tal-artiġjanat, ta’ delizzji u ta’ ħallieqa ta’ kull età.
Se jkun hemm firxa vasta ta’ attivitajiet u wirjiet, inklużi workshops tat-tisjir, studios miftuħa għall-artisti, attivitajiet għat-tfal, displejs interattivi tar-robot LEGO, installazzjonijiet bil-ħsejjes u bid-dawl, u diversi attivitajiet oħra.
Għal min hu dan l-avveniment?
Tinkering Days huwa miftuħ għall-etajiet kollha u jilqa’ individwi minn kull kuntest. L-għan ewlienti ta’ din l-attività huwa li jlaqqa’ flimkien nies li jħaddnu sens ta’ kurżità u interess f’diversi passatempi u snajja’ kif ukoll fl-arti, fid-disinn, fl-ikel, u anke fit-teknoloġija.
X’għandi nistenna meta mmur hemm?
Tinkering Days hija open day li tipprovdi opportunità unika lill-pubbliku biex jesplora l-Valletta Design Cluster, b’attività jew wirja kull fejn iddur! Dawk li jattendu jistgħu jżuru stands differenti, jitkellmu mal-makers dwar l-artiġjanat tagħhom u jieħdu sehem fl-attivitajiet tagħhom. Se jkun hemm ukoll studios miftuħin għall-pubbliku kif ukoll attivitajiet li jseħħu kważi f’kull kamra fil-Cluster. Il-ġnien fuq il-bejt tal-Valletta Design Cluster se jkun miftuħ ukoll u disponibbli għall-pubbliku, kif normalment ikun.
Se jkolli bżonn nixtri biljett?
Id-dħul għal dan avveniment huwa kompletament liberu u l-ebda biljett mhu meħtieġ. L-attivitajiet kollha inklużi fil-programm huma wkoll totalment bla ħlas u miftuħin għal kull min jixtieq jipparteċipa. Dawn l-attivitajiet jinkludu fost oħrajn ir-robotika tal-LEGO, logħba għat-tfal Chain Reaction Craze, attivitajiet tat-tafal, it-tibjid u boardgames.
Matul l-avveniment se jkun hemm ikel u xorb?
Tinkering Days se joffri ikel u xorb mibjugħa minn membri tal-Valletta Design Cluster, fosthom pasti ħelwin Franċiżi ta’ Geoffrey Barault, ikliet kulinari diversi mill-kċina ta’ SAHHA, u għażla ta’ birer tal-artiġjanat magħmula minn Huskie Craft Beer Company. Il-kok Mark Camilleri se jkun qed jospita workshop b’xejn dwar il-ħobż u l-butir fil-kċina tat-tagħlim tal-Cluster.
Liema artisti huma inklużi fil-programm?
Il-lista ta’ kreattivi hija vasta u diversa. Din l-attività se tinkludi artisti, disinjaturi u makers bħal Anna Calleja, Mark Borg, Beluga Corp, Heidi u Tina’s Mosaic Start up, Francesca Mercieca, no.site.studio, Dennis Orlov, Marica Lewis, Mike Spiteri, Anton Abela, Wicked Comics, Beauty One Innovation, The Secret Rose, Dolphin Club, Russell Smith, Rota, Rupture, it-tim tar-robotika tal-MCAST kif ukoll l-Community Crafts mill-Valletta Floriana Community Services (FSWS).
Għal aktar informazzjoni dwar Tinkering Days, jekk jogħġbok żur is-sit elettroniku tal-Valletta Cultural Agency: https://www.vca.gov.mt/en/events/tinkering-days/ jew żur il-Valletta Design Cluster bejn it-8am u l-11pm f’kull ġurnata tal-ġimgħa.
Il-Valletta Design Cluster huwa spazju ddedikat għat-trawwim tal-kollaborazzjoni kreattiva u l-innovazzjoni. Bħala ċentru għad-disinjaturi, l-artisti u l-produtturi, il-Cluster għandu l-għan li jappoġġa l-iżvilupp ta ’ekonomija kreattiva f’ Malta, u Tinkering Days jenfasizza l-firxa diversa ta’ membri u kollaboraturi tal-Cluster.
Ingħaqad magħna fl-14 ta’ Settembru għal jum ta’ skoperta, kreattivita’, u pjaċir.
Kemm jekk inti maker esperjenzat jew biss kurjuż dwar id-dinja tad-DIY u d-disinn, jkun hemm xi ħaġa li tolqot lil kulħadd waqt Tinkering Days!
