Vettura spiċċat maqluba fuq ġenb f’inċident tat-traffiku li seħħ aktar kmieni għall-ħabta tal-10:20 a.m fi Triq Aldo Moro fil-Marsa.
Fil-post issejħu Membri mid-Dipartiment tal-Protezzjoni Ċivili li assistew lis-sewwieq tal-vettura tat-tip Opel Astra.
Intant, il-Pulizija kkonfermat ma’ Talk.mt li fortunatament ħadd ma ndarab f’dan l-inċident għalkemm kienu rreġistrati xi ħsarat ulterjuri fil-post tal-inċident.
