Bejta ġdida ta’ fkieren ikkonfermata fil-bajja tar-Ramla l-Ħamra, f’Għawdex. Din hi it-tielet bejta ta’ dan is-sajf u ġiet identifikata kmieni l-Erbgħa filgħodu meta ntlemħet il-fekruna mill-voluntiera ta’ Nature Trust waqt ronda fuq il-bajja.
L-Awtorità dwar l-Ambjent u r-Riżorsi (ERA) u Nature Trust Malta marru immedjatament fuq il-post biex jagħlqu ż-żona u jipproteġu s-sit.
Membri tal-pubbbliku li jaraw fekruna jew bejta għandhom iċemplu lill-ERA fuq 2292 3500 jew lill-NTM fuq 9999 9505.
