Tħabbret il-mewt tal-eks midfielder ta’ Sheffield Wednesday u Nottingham Forest Chris Bart-Williams fl-età ta’ 49 sena.
Sheffield Wednesday ikkonfermaw li miet fl-Istati Uniti, fejn kien qed jikkowċja.
Il-club żied jgħid: “Aħna mnikktin ħafna bil-mewt tal-eks plejer tagħna Chris Bart-Williams.”
Bart-Williams beda l-karriera tiegħu f’Leyton Orient u skorja fid-debutt sħiħ tiegħu mal-club fir-rebħa ta’ 4-0 kontra Tranmere Rovers meta kellu 16-il sena.
Huwa ngħaqad mal-Owls fl-1991 u għamel aktar minn 100 dehra għalihom.
Bart-Williams ingħaqa mal-Forest fl-1995 u lagħab aktar minn 200 partita għalihom qabel ma mar jilgħab ma’ Charlton Atletic u Ipswich Town.
Fl-istaġun 2005-06 huwa ngħaqad mal-club Malti, Marsaxlokk, fejn għalihom lagħab tmien partiti.
Huwa miet fl-istess jum ta’ Trevor Francis, li sar l-ewwel player Britanniku li ġie trasferit għal £1 miljun meta ngħaqad ma’ Nottingham Forest mingħand Birmingham City fl-1978.
Francis ikkowċja wkoll lil Bart-Williams meta kien fit-tmexxija ta’ Sheffield Wednesday u kien daħħlu bħala sostitut fil-finali tal-FA Cup tal-1993, li rat lill-Owls jitilfu kontra Arsenal wara replay.
