James Randi, wieħed mill-aktar persuni rinomati fl-industrija tad-divertiment, b’mod speċjali fejn jidħol il-paranormal, miet fl-età ta’ 92 sena.
Magħruf l-aktar b’kunjomu, Randi li twieled il-Kanada jibqa’ mfakkar fost l-aktar esponenti tax-Xettiċiżmu, b’suġġeti li jvarjaw minn iħirsa sa UFOs.
Randall James Zwinge kien imwieled f’Toronto fil-Kanada u fil-karriera tiegħu tal-maġija huwa kellu diversi esebizzjonijiet li jibqa’ mfakkar għalihom fosthom il-ħarba tiegħu minn ġakketta li tagħmilhielek impossibbli li tiċċaqlaq waqt li kien qiegħed imdendel rasu ’l isfel fuq in-Niagara Falls.
Randi dejjem fakkar lill-udjenzi tiegħu li l-atti tiegħu kienu bbażati fuq tattika u mhux fuq maġija u saħansitra rnexxielu jipprova l-gideb ta’ dawk li qalu li għandhom poteri paranormali.
