ritratt: Liverpool FC
Tħabbret il-mewt tal-leġġendarju ta’ Liverpool u tal-Ingilterra, Roger Hunt, fl-etá ta’ 83 sena, wara marda twila.
Huwa kien membru fit-team Ingliż li rebaħ it-Tazza tad-Dinja fl-1966 u huwa wkoll l-aqwa skorer ta’ Liverpool fil-kampjonat b’244 goals.
Fi stqarrija, il-club ta’ Liverpool esprima s-sogħba tiegħu għat-telfa ta’ dan il-leġġendarju.
“Il-ħsibijiet ta‘ kulħadd fil-club ta’ Liverpool huma mal-familja u l-ħbieb ta’ Roger f’dan iż-żmien ta‘ niket u diffiċli. Strieħ fil-paċi, Sir Roger Hunt 1938-2021.”
B’kollox fil-karriera tiegħu ma’ Liverpool skorja 285 goals f’492 partita. Ian Rush biss skorja aktar minnu fil-kompetizzjonijiet kollha – 346 goals f’660 logħba.
Iżda Hunt għandu r-rekord tal-aqwa skorer fil-kampjonat.
