Fl-aħħar sigħat, Moira Delia kompliet tappella lill-pubbliku sabiex jgħin fit-tfittxija ta’ Jerry — il-qattus li deher l-aħħar fit-13 ta’ Ġunju li għadda, fi Triq il-Baħar l-Iswed, San Ġiljan (magħruf bħala ‘The Village’).
Dan il-qattus jinsab fuq dieta mogħtija mill-veterinarji u għaldaqstant skont din il-preskrizzjoni jista’ jiekol biss ikel wieħed partikolari — Renal Food.
F’filmat li ttella’ minn Moira, hija spjegat li l-qattus għandu kullar abjad bit-tag, fejn għandu mniżżel in-numru 99463636.
Fl-appell tagħha hija reġgħet ħeġġet lill-pubbliku sabiex min jilmaħ dan il-qattus iċempel fuq 99463636, filwaqt li sadanittant wieħed jista’ jkompli jagħti sehmu billi jmexxi l-kelma mal-ħbieb u l-familjari permezz ta’ share ta’ din il-post.
Dik il-persuna li tirritorna lil Jerry lura għand is-sid se tingħata s-somma ta’ €3,000 bħala ġest ta’ apprezzament.
