Ilbieraħ wara nofsinhar, il-Pulizija tal-Iskwadra ta’ Kontra d-Droga arrestat tlett irġiel ta’ 28 sena, 31 sena u 53 sena f’operazzjoni oħra f’Ħal Għargħur.
Wara ġranet ta’ sorveljanza, il-Pulizija wettqu r-rejd f’razzett f’Ħal Għargħur, u minn tfittxija li saret, il-Pulizija sabet sustanza suspettata droga kokaina kif ukoll madwar
€45,000 fi flus kontanti.
L-irġiel ġew arrestati fuq il-post u ttieħdu il-lock-up tal-Pulizija fil-Furjana għal aktar stħarriġ.
L-investigazzjonijiet tal-Pulizija dwar dan il-każ għadhom għaddejjin filwaqt li r-raġel ta’ 28 sena mistenni jitressaq il-Qorti aktar tard illum.
