Roma u Lazio qed jirsistu sabiex iġibu lejn il-klabb tagħhom lill-winger internazzjonali Taljan William Gnonto. Dan tal-aħħar għandu 19-il sena u bħalissa qed jilgħab f’The Championship ma’ Leeds United. Hu jrid jitlaq minn dan il-klabb għax irid jilgħab f’kampjonat maġġuri u jżomm iċ-ċansijiet tiegħu li jiġi mgħajjat mat-tim nazzjonali Taljan għall-kampjonat Ewropew, dejjem jekk pajjiżu jikkwalifika.
Fl-aħħar sigħat, anke Everton daħlu għalih u mhux eskluż li joffrulu somma tajba sabiex iwarrbu l-isfida tat-timijiet minn Ruma.
