Sparatura f’Tennessee ħalliet tliet persuni mejta u 14 oħra midruba. Il-każ seħħ fis-sigħat li għaddew quddiem diskoteka fejn tnejn mill-vittmi nqatlu wara li ntlaqtu minn arma tan-nar. It-tielet persuna mietet ftit wara li ttajret minn karozza li ppruvat taħrab minn fuq il-post.
Il-pulizija kkonfermaw li tliet persuni oħra ntlaqtu minn vetturi li ppruvaw jaħarbu minn fuq il-post.
L-ismijiet tal-vittma u s-suspettati għadhom mhux magħrufa.
S’issa għad m’hemm l-ebda indikazzjoni jekk kienx hemm motiv u l-pulizija qed jappellaw biex min għandu xi informazzjoni jgħaddihielhom.
