L-attriċi Diane Keaton li rebħet diversi umuri f’ħajjitha mietet fl-età ta’ 79 sena.
Kien ilbieraħ filgħaxija meta l-midja internazzjonali rraportat li persuni qrib tal-attriċi qalu li hija kienet mietet wara li saħħitha kienet marru lura f’daqqa fl-aħħar xhur.
Sas-sena li għaddiet hija kienet għadha attiva hekk kif ħadet sehem fil-film ‘Summer Camp’ li kellu jkun l-aħħar wieħed tagħha.
L-attriċi rnexxielha tħalli legat ta’ ‘l fuq minn 100 film u serje televiżiva.
Hija kienet bdiet il-karrieta tagħha fil-Broadway fis-snin 60 dakinhar meta ħadet sehem fi dramm fuq il-palk. Mill-ewwel id-diretturi tal-films kienu ndunaw bil-kwalitajiet tagħha tant li fl-1970 dehret fil-film ‘Lovers and Strangers.’
Il-qofol tal-karriera tagħha kien intlaħaq fl-1972 meta kienet nterpretat il-parti ta’ mart Michael Corleone f”The Godfather,’ u aktar tard kienet ingħatat il-parti ewlenija fil-film ‘Annie Hall’. Għal dan il-film kienet anke rebħet Oscar.
Minkejja li Keaton qatt ma żżewġet, kellha diversi relazzjonijiet fosthom ma’ Al Pacino li miegħu kienet ħadmet The Godfather. Hija kienet addoyyat u rabbiet tifla u tifel.