Kelb tar-razza Chihuahua daħal fil-Guinness World Records bħala l-ixjaħ kelb hekk kif fid-9 ta’ Jannar li għadda TobyKeith għalaq 21 sena.
Is-sidt ta’ TobyKeith, Gisela Shore, qalet li hija kienet adottat lil TobyKeith meta dan kien għadu żgħir ħafna u għalhekk dan il-kelb qatta’ l-maġġoranza assoluta ta’ ħajtu ta’ Gisela.
Meta kienet qiegħda titkellem ma’ Guinness World Records hija qalet li snin ilu kienet taħdem bħala voluntier ma’ Peggy Adams Animal Rescue. Jum minnhom waħda mill-impjegati kienet qaltilha li hemm koppja anzjani li xtaqu jagħtu ġeru għall-adozzjoni minħabba li ma setgħux jieħdu ħsiebu iktar.
Hija kienet marret tiltaqa’ mal-koppja u hemm sabet ġeru tar-razza Chihuahua, li huma kienu semmewh Peanut Butter. Wara, hija bidlet l-isem għal TobyKeith.
