Il-midfielder internazzjonali Ġermaniż Toni Kroos se jibqa’ ma’ Real Madrid anke għall-istaġun li ġej.
Kroos, li għandu 33 sena, iffirma sena oħra kuntratt u għalhekk ġedded iż-żmien tiegħu f’Santiago Bernabeu.
L-eks plejer ta’ Bayern Munich u Bayer Leverkusen qal li kienet xi ħaġa naturali li jkun hemm ftehim mad-diriġenti Madrileni minħabba li jinsab għal qalbu jilgħab fil-belt kapitali Spanjola.
