Manchester City jinsabu interessati li jiksbu s-servizzi tal-plejer ta’ nofs il-grawnd Ġermaniż Toni Kroos. Dan tal-aħħar għandu 33 sena u jinsab fl-aħħar snin tal-karriera tiegħu.
Bħalissa huwa jinsab fil-kotba ta’ Real Madrid iżda l-kuntratt tiegħu se jiskadi fit-30 ta’ Ġunju tas-sena d-dieħla. Il-pjan ta’ The Citizens hu li jġibu lill-plejer mingħajr ma jħallsu ċenteżmu bi Kroos li għadu qed jaħsibha.
