Tottenham Hotspur huma fiduċjużi li jżommu lil Harry Kane mal-club dan is-sajf minkejja s-suġġerimenti li Manchester United jistgħu jagħmlu offeta sostanzjali għall-attakkant.
Spurs setgħu jirreżistu l-pressjoni minn Manchester City biex iżommu l-captain tal-Ingilterra s-sena l-oħra, iżda l-kuntratt ta’ Kane jiskadi kważi sena oħra, u Manchester United huma maħsuba li huma lesti li jħallsu sa £100 miljun biex iġibu lill-attakkant f’Old Trafford fis-suq tat-trasferimenti li ġej.
Il-player ta’ 28 sena tħabat biex juri l-aqwa forma tiegħu fl-istadji bikrija tal-istaġun iżda reġa’ kien fl-aqwa tiegħu fl-aħħar ġimgħat, fejn skorja 22 goal u pprovda disa’ assists f’44 dehra f’livell ta’ club matul l-istaġun 2021-22.
Spurs jinsabu ‘kunfidenti’ li jevitaw saga oħra ta’ trasferimenti li tinvolvi lil Kane dan is-sajf, bl-Ingliż mistenni jibqa’ fit-Tottenham Hotspur Stadium.
L-attakkant skorja 12-il goal u rreġistra tmien assists f’31 dehra tal-Premier League matul l-istaġun 2021-22, għalkemm naqas milli jiskorja fl-aħħar erba’ ħarġiet tiegħu fil-kampjonat.
Manchester City huma maħsuba li se jimmiraw għal Erling Braut Haaland ta’ Borussia Dortmund dan is-sajf, filwaqt li Manchester United jistgħu idawru l-attenzjoni tagħhom fuq Darwin Nunez ta’ Benfica jekk Kane ma jingħaqadx magħhom.
