Hekk kif Tottenham Hotspur għaddejjin minn fażi ta’ transizzjoni wara t-tneħħija tal-coach Antonio Conte bil-coach temporanju Cristian Stellini li qiegħed fit-tmexxija, l-ogħla awtoritajiet tal-klabb qed jagħmlu ristrutturar ukoll fid-diriġenza fejn ħatru liċ-Chief Football Officer il-ġdid, Scott Munn. Dan tal-aħħar hu ċittadin Awstraljan li bħalissa hu kap eżekuttiv ta’ City Football Group China wara li kellu l-istess kariga wkoll f’pajjiżu ma’ Melbourne City FC.
Ċaqliqa lejn il-Premier League Ingliż fisser li se jkun qed iwettaq dan ir-rwol fil-futbol Ewropew għall-ewwel darba fil-karriera tiegħu.
