Tottenham Hotspur reġgħu bdew isegwu lill-goalkeeper ta’ West Bromwich Albion, Sam Johnstone.
Il-player ta’ 29 sena baqa’ ma’ The Hawthorns minkejja rabtiet persistenti ‘l bogħod matul l-aħħar ftit twieqi ta’ trasferimenti u żamm 14-il clean sheet fi 33 dehra taċ-Championship f’dan l-istaġun.
Madankollu, il-Baggies li jinsabu f’nofs il-klassifika issa mhumiex f’pożizzjoni li jiksbu post fil-playoff, u jħallu lil Johnstone b’deċiżjoni kbira x’jieħu hekk kif qed jimmira li jiskeb post fl-iskwadra tal-Ingilterra għat-Tazza tad-Dinja tal-2022.
Tottenham kienu waħda minn bosta clubs marbuta ma’ offerta għal Johnstone aktar kmieni din is-sena, u huwa mifhum li l-club mit-Tramuntana ta’ Londra issa reġa’ lura b’interess għall-goalkeeper ta’ statura twila.
Filwaqt li l-goalkeeper numru wieħed Hugo Lloris dan l-aħħar iffirma kuntratt ġdid mal-club, Pierluigi Gollini, li jisnab misluf ma’ Spurs mingħand Atalanta, se jirritorna l-Italja f’Ġunju wara esperjenza xejn sabiħa fil-kapitali Ingliża.
West Ham United, Newcastle United, Rangers u Southampton ġew ukoll akkreditati b’interess f’Johnstone, li l-ftehim tiegħu ma’ West Brom jiskadi dan is-sajf.
