Tottenham Hotspur qed jikkunsidraw offerta għall-ex attakkant ta’ Arsenal, Serge Gnabry.
Il-player ta’ Bayern Munich għandu jsir free agent fi tmiem l-istaġun li ġej u għad irid jilħaq ftehim maċ-champions Ġermaniżi dwar estensjoni possibbli.
Gnabry jinsab f’taħditiet dwar ftehim ġdid mat-team immexxi minn Julian Nagelsmann, iżda għadu qed jiġi marbut b’mod persistenti ma’ tluq fost xnigħat ta’ trasferiment ma’ Real Madrid.
Minkejja l-assoċjazzjoni tal-attakkant ma’ Arsenal – fejn qatta’ ħames snin bejn l-2011 u l-2016 – huwa mifhum li Tottenham issa qed jikkunsidraw offerta għal Gnabry, b’Bayern jitħabtu biex jiftiehmu termini ġodda ma’ Gnabry, li huwa rrappurtat li qed jitlob offerta ta’ £250k fil-ġimgħa fl-Allianz Arena.
Il-player ta’ 26 sena rreġistra 16-il goal u 10 assists fi 42 dehra għal Bayern matul il-komeptizzjonijiet kollha dan l-istaġun u rnexxielu jsib ix-xibka fir-rebħa ta’ 3-1 fid-Der Klassiker kontra Borussia Dortmund nhar is-Sibt li għadda.
