Tottenham Hotspur m’għandhom l-ebda pjan li jħallu lil Lucas Moura iħalli l-club dan is-sajf.
Il-player ta’ 29 sena reġa’ kien regolari għal Spurs matul l-istaġun 2021-22, fejn għamel 37 dehra fil-kompetizzjonijiet kollha, u skorja sitt gowls u pprovda sitt assists fil-proċess.
Lucas tilef ir-rwol regolari tiegħu mal-ewwel 11 mill-wasla ta’ Dejan Kulusevski, madankollu, u kien hemm suġġerimenti li l-Brażiljan jista’ jħalli l-club fis-suq tat-trasferimenti li ġej.
Iżda, minkejja l-ispekulazzjoni, it-team immexxi minn Antonio Conte m’għandux il-ħsieb li jħalli lill-attakkant versatili jitlaq qabel l-istaġun 2022-23.
Dan hekk kif Spurs iqisu lil Lucas bħala ‘membru ewlieni tal-iskwadra tagħhom’ u għalhekk huma determinati li jżommuh għall-istaġun li ġej.
Il-player mill-Amerika t’Isfel skorja żewġ goals u pprovda erba’ assists f’26 dehra tal-Premier League għall-club tiegħu minn Londra matul l-istaġun attwali.
