Tottenham Hotspur identifikaw lid-difensur ta’ Genoa, Andrea Cambiaso, bħala alternattiva għal Sergio Reguilon.
Meta Spurs iffirmaw lil Reguilon fl-2020, kellhom jaqblu ma’ klawsola ta’ xiri lura, li tat l-opportunità lil Real Madrid li jerġgħu jiffirmaw lid-difensur xellugi fi tmiem l-istaġun 2021-22.
Filwaqt li l-Los Blancos ma ħadu l-ebda deċiżjoni dwar riunjoni potenzjali mal-player ta’ 25 sena, huwa xenarju li jista’ jixraq lill-partijiet kollha mal-club fis-suq għal player ġdid għal dik il-pożizzjoni.
Spurs qed ikopru s-suq għal sostitut potenzjali u għandhom interess f’Cambiaso.
Il-player ta’ 22 sena stabbilixxa ruħu bħala regolari għal Genoa dan l-istaġun, u skorja goal wieħed u pprovda erba’ assists f’25 dehra tas-Serie A.
Cambiaso, li wkoll jingħad li hu fil-mira ta’ Napoli u Juventus, fadallu biss 15-il xahar fil-kuntratt tiegħu, u mhux se jiġu miftiehma termini ġodda filwaqt li Genoa qed jiġġieldu biex jibqgħu jimmilitaw fis-Serie A għal staġun ieħor.
