Tottenham għamlu ftehim ta’ £5 miljun biex jakkwistaw lid-difensur Ġappuniż ta’ 20 sena, Kota Takai, mingħand Kawasaki Frontale.
Takai, wieħed mit-talenti promettenti tal-Ġappun, diġà lagħab darbtejn mal-ewwel tim nazzjonali, inkluż fil-kwalifikazzjonijiet għat-tazza tad-dinja. Fil-2024 rebaħ is-Super Cup Ġappuniża u ġie magħżul bħala l-aħjar plejer żagħżugħ. Hu se jingħaqad ma’ Tottenham ix-xahar li ġej u se jikkompeti ma’ plejers bħal Romero u van de Ven għal post fid-difiża.
