L-ispekulazzjonijiet dwar min se jkun il-coach il-ġdid ta’ Tottenham Hotspur jibqgħu għaddejjin. Wara li Antonio Conte telaqhom, għalissa l-assistent tiegħu Cristian Stellini jinsab fit-tmexxija.
L-aħħar aħbarijiet qed jgħidu li d-diriġenti minn Londra qed jikkunsidraw li jkellmu lill-coach ta’ Feyenoord Arne Slot. Dan tal-aħħar għandu 44 sena u ilu fit-tmexxija tat-tim Olandiż sa mis-sena 2021 wara li għamel żmien fit-tmun ta’ AZ Alkmaar. Fil-passat hu kien irrifjuta offerta ta’ Leeds United u min jaf jekk din id-darba jaċċettax proposta ta’ The Spurs?
