The Marigold Foundation nediet l-edizzjoni tal-2025 ta’ “Tour Your Living Landscape” b’ride ta’ muturi mimli enerġiija u entużjażmu tul l-isbaħ rotot ta’ Malta. L-attività ġabet flimkien bikers u klabbs tal-muturi minn madwar il-gżejjer kollha, magħquda f’kampanja nazzjonali ddedikata għall-kuxjenza, edukazzjoni u empowerment.
Ir-ride tal-ftuħ ta’ din is-sena ċċelebrat mhux biss il-ferħ li tkun fit-triq, iżda wkoll il-messaġġ profond li hemm wara l-kampanja — li “Mhijiex sempliċement ride, iżda sejħa għall-kuxjenza.” Permezz ta’ din l-inizjattiva, The Marigold Foundation għandha l-għan li tħeġġeġ lill-pubbliku jirrifletti, jitgħallem u jieħu passi proattivi lejn saħħa u benesseri aħjar.
It-tema #TourYourLivingLandscape tfakkarna li s-saħħa tagħna u l-ambjent ta’ madwarna huma marbuta b’mod intrinsiku — messaġġ li jirrifletti l-impenn tal-Fondazzjoni biex tkompli trawwem nazzjon aktar b’saħħtu u infurmat. L-attivitajiet tal-kampanja, li se jkomplu matul il-gimghat li ġejjin, se jgħaqqdu edukazzjoni, involviment komunitarju u ġbir ta’ fondi biex jappoġġjaw il-proġett nazzjonali li jmiss tal-Fondazzjoni.
The Marigold Foundation tixtieq tesprimi r-ringrazzjament sinċier tagħha lil kull biker, klabb tal-muturi, u participanti li pparteċipaw u għen biex din l-attività tal-ftuħ tkun suċċess mill-aqwa. L-entużjażmu u l-ispirtu komunitarju tagħhom taw bidu perfett għal kampanja li tidher li se tkun waħda ta’ impatt u ispirazzjoni.