Tractor huwa fost ir-rigali li l-President Russu Vladimir Putin qala’ f’għeluq is-sebgħin sena tiegħu.
It-tractor kien mogħti mill-alleat tal-Belarus Alexander Lukashenko. Kien l-istess Lukashenko li kkonferma l-aħbar waqt żjara li għamel lil Putin f’San Pietru Burgu għal taħditiet.
Il-President kien qiegħed jindirizza lill-mexxejja tal-istati eks Sovjetiċi minħabba li l-invażjoni fl-Ukrajna kompliet teskala.
Madanakollu, il-Ġimgħa, l-alleati faħħruh u għaddewlu rigali għall-kontribut tiegħu fil-pajjiż, kemm bħala President kif ukoll bħala Prim Ministru, għal aktar minn 20 sena.
Mhux magħrufa x’kienet ir-reazzjoni tal-President Russu għall-vettura mill-Belarus, iżda li hu żgur huwa li kellha tikkompeti ma’ muntanji ta’ bettiegħ u dulliegħ ippreżentati mill-President tat-Tajkistan Emomali Rahmon.
