Minkejja li Chelsea għandhom ftehim mad-difensur Franċiż, Wesley Fofana, sabiex fil-jiem li ġejjin eventwalment jingħaqad magħhom, hemm intopp żgħir li jista’ jikkawża dewmien f’dan it-trasferiment. Fil-fatt il-club oriġinali ta’ Fofana, Leicester City iridu aktar minn €95 miljun, is-somma oriġinali li l-club minn Londra ppreżenta.
Huwa għalhekk li matul din il-ġimgħa mistennija laqgħa bejn l-ogħla awtoritajiet tal-Foxes u l-Blues sabiex jiġi definit eżatt x’se jiġri fuq dan it-trasferiment.
