Id-difensur ta’ Liverpool, Trent Alexander-Arnold qed jitqies bħala mira ta’ trasferiment għal Real Madrid.
L-internazzjonali Ingliż diġà pprovda tliet assists minn sitt dehriet fil-kompetizzjonijiet kollha f’dan l-istaġun u mhux mistenni li jsir free agent sal-2025.
Minkejja l-istatus tiegħu bħala wieħed mill-players indispensabbli ta’ Jurgen Klopp, il-manager ta’ Real Madrid Carlo Ancelotti żiedu mal-lista ta’ xewqat tal-Los Blancos.
Madankollu, Real Madrid suppost jirrikonoxxi li offerta għal Alexander-Arnold fis-sajf tal-2022 mhux se tkun sempliċi minħabba l-estensjoni riċenti tiegħu, u Liverpool ma jikkunsidrawx offerti inqas minn £64 miljun għaż-żagħżugħ ta’ 23 sena.
Id-difensur lemini li rebaħ il-Premier League u ċ-Champions League diġà għamel 185 dehra għar-Reds fil-kompetizzjonijiet kollha, fejn skorja 10 goals u pprovda 47 assist.
Alexander-Arnold ilu jitħabat biex jegħleb problema tal-groin fl-aħħar ġimgħat iżda mistenni jkun tajjeb għall-partita tas-Sibt fil-Premier League kontra Watford.
