Birkirkara St. Joseph Sports Club organizza t-tieni tellieqa tas-serje Go& Fun Sprint Triathlon fis-Salina nhar il-Ħadd li għadda.
Luke McCarron u Danica Bonello Spiteri kisbu r-rebħa fil-kategoriji rispettivi tagħhom.
McCarron ħareġ mill-ilma wara 10 minuti u 8 sekondi, kważi minuta qabel Galea li ħareġ mill-ilma flimkien ma’ Danica Bonello Spiteri. Din tal-aħħar kompliet tipproċedi fuq ir-rotta ta’ 20km fuq ir-rota ftit sekondi biss qabel Galea. It-tielet barra mill-ilma kien Josef Azzopardi. Fuq il-korsa tar-rota McCarron żamm il-vantaġġ quddiem Galea u Azzopardi, fejn dawn il-pożizzjonijiet nżammew sa tmiem it-tellieqa.
Danica Bonello Spiteri pproduċiet tellieqa tajba, u tejbet il-ħin li rreġistrat fl-ewwel tiġrija tas-serje bi kważi żewġ minuti. Barra mill-ilma wara Bonello Spiteri kien hemm Keira Attard u Juliya Azzopardi Mazur. Fuq il-korsa tar-rota, Krista Kuusijarvi irreġistrat l-aħjar ħin. Minkejja l-isforzi tagħha, dan ma kienux biżżejjed biex tnaqqas id-distakk li Bonello Spiteri kisbet fit-taqsima tal-għawm u Kuusijarvi kellu tikkuntenta bit-tieni post. Il-vantaġġ ta’ Attard fl-għawma servieha tajjeb meta għelbet lil Azzopardi Mazur għat-tielet post.
Il-President tal-klabb Ray Grech ippreżenta l-midalji lill-ewwel tliet irġiel u nisa fi tmiem it-Tiġrija.
Il-Club ospita wkoll it-tieni tiġrija tal-Malta Youth Triathlon Series li kienet avveniment kompetittiv ħafna minkejja l-etajiet żgħar tal-parteċipanti.
L-aqwa tliet atleti għall-Kategorija 1 (Under 9) kienu Oliver Buccheri, Mickaya Fava u Kruvien Farrugia. Kategorija 2 (10-11-il sena) kienu Leo Buccheri, Neil Cassar, John Paul Felice. Kategorija 3 (12-13-il sena) kienu Liam Daly, Giuseppe Borg u Zia Fujii, filwaqt li fil-Kategorija 4 (‘il fuq minn 30 sena) rat lil Chylen Fava, Anthony Borg u Nathan Pace jispiċċaw fl-ewwel, it-tieni u t-tielet post rispettivament.
Il-BSJ Sprint Triathlon Series huma appoġġjati minn Go&Fun Green Energy Drink. Il-Każin jesprimi l-gratitudni tiegħu lejn il-Kunsill Lokali tan-Naxxar, il-Pulizija tad-Distrett tan-Naxxar u Transport Malta għall-għajnuna mogħtija biex jospita dan l-avveniment.
It-tellieqa li jmiss tal-Go&Fun BSJ Sprint Triathlon Series u l-BSJ Youth Triathlon Series se ssir il-Ħadd 4 ta’ Settembru. Ir-reġistrazzjoni hija miftuħa online permezz ta’ din il-link – https://bsj.mt/event/2022-bsj-sprint-triathlon-series-race-3/
Riżultati – Irġiel
| 1st | Luke McCarron (Cambridge) – 58.:42 |
| 2nd | Keith Galea (Birkirkara St. Joseph) – 1:03:50 |
| 3rd | Josef Azzopardi (Tri Gozo) – 1:05:55 |
| Riżultati – Nisa | |
| 1st | Danica Bonello Spiteri (Pembroke Athleta) – 1:08:38 |
| 2nd | Krista Kuusijarvi (Shamrock Stars) – 1:10:03 |
| 3rd | Keira Attard (Tri Gozo) – 1:16:45 |
