Mill-inqas 34 persuna tilfu ħajjithom waqt tromba qawwija li laqtet lill-Istati Uniti s-Sibt filgħaxija, partikolarment f’Missouri. Apparti hekk, f’dan il-fenomenu naturali għexieren ta’ djar ġarrbu ħsarat estensivi filwaqt inqelbu diversi karozzi.
Kawża tal-istess sitwazzjoni, f’Kansas, tilfu ħajjithom minn tal-inqas tmien persuni, hekk kif kien hemm minn tal-inqas 55 ħabta b’kollox matul il-jum tas-Sibt.
Midja internazzjonali rrapurtat li fl-Istati Uniti kien qed jiġi kkalkulat li kien hemm aktar minn 250,000 proprjetà mingħajr provvista ta’ elettriku.
Intant it-temp huwa mistenni li jibqa’ l-istess, tant li nħarġu diversi twissijiet, partikolarment fl-Lvant ta’ Louisiana, fil-Punent tal-Ġeorġja, fiċ-ċentru ta’ Tennessee u fil-Punent ta’ Florida.
