Il-President tal-Istati Uniti Donald Trump impona tariffa globali ġdida ta’ 10% biex tissostitwixxi dawk li twaqqfet mill-Qorti Suprema, fejn sejjaħ id-deċiżjoni “terribbli” u kkritika lill-Imħallfin li ċaħdu l-politika kummerċjali tiegħu.
Il-president żvela l-pjan ftit wara li l-imħallfin ipprojbixxew il-biċċa l-kbira tat-tariffi globali li ħabbret il-White House is-sena l-oħra. F’deċiżjoni ta’ 6 kontra 3, il-Qorti ddeċidiet li l-president kien qabeż il-poteri tiegħu.
Id-deċiżjoni kienet rebħa kbira għan-negozji u l-istati tal-Istati Uniti li kienu sfidaw id-dazji, u fetħet il-bieb għal potenzjalment biljuni ta’ dollari f’rifużjonijiet tat-tariffi, filwaqt li daħħlet ukoll inċertezza ġdida fix-xenarju kummerċjali globali.
Meta tkellem mill-White House nhar il-Ġimgħa, Trump indika li r-rifużjonijiet ma jiġux mingħajr battalja legali u qal li jistenna li l-kwistjoni tibqa’ mwaħħla fil-Qorti għal snin sħaħ.
Huwa qal ukoll li se jirrikorri għal liġijiet oħra biex ikompli bit-tariffi tiegħu, li argumenta li jinkoraġġixxu l-investiment u l-manifattura fl-Istati Uniti. “Għandna alternattivi – alternattivi kbar u se nkunu ħafna aktar b’saħħitna għaliha,” qal.