Il-partitarji Taljani anzjużi li jaraw lil pajjiżhom fit-Tazza tad-Dinja tal-2022 m’għandhomx iqawwu t-tamiet tagħhom mal-aħħar tħabbira tal-FIFA li qed jinvestigaw allegat ta’ ksur tar-regolamenti mill-Ekwador, li kkwalifikaw għall-Qatar.
Nhar l-Erbgħa, il-korp governattiv tal-football ħabbar li kien qed jeżamina uffiċjalment l-allegazzjonijiet li saru mill-FA Ċilena li l-Ekwador iffalsifikaw id-dokumenti tal-player Byron Castillo.
It-talba taċ-Ċilí hija li Castillo għandu ċertifikat tat-twelid Kolumbjan li jgħid li twieled fl-1995 u mhux fl-1998 kif jaqra dak Ekwadorjan tiegħu.
Castillo lagħab tmien partiti matul il-kwalifikazzjoni – inklużi darbtejn kontra ċ-Ċilì, li naqsu milli jikkwalifikaw għat-Tazza tad-Dinja, u l-Ekwador kisbu erba’ punti kontra La Roja.
Il-player ma deherx kontra l-Perù, li spiċċaw fuq iċ-Ċilì fil-post tal-play-off interkontinentali, u ntalbu wkoll jipprovdu evidenza.
Jekk l-Ekwador jinstabu ħatja, aktarx li se jitilfu l-punti miksuba mill-partiti li fihom kien deher Castillo, għalhekk jekk il-ħames punti jingħataw liċ-Ċilì dawn jarawhom jispiċċaw fuqhom u għalhekk jingħataw id-dritt li jkunu fil-fażi finali.
