Ġappun ………3
Norveġja ……1
Il-Ġappun komplew jimpressjonaw meta għelbu lit-team qawwi tan-Norveġja biex għaddew mal-aħħar tmienja.
Iċ-champions tal-2011 kellhom bidu mill-aktar pożittiv meta fil-15-il minuta, id-difensura tan-Norveġja Ingrid Engen dawret il-cross ta’ Hinata Miyazawa fix-xibka tagħha stess.
Madankollu, ħames minuti wara, in-Norveġiżi kisbu d-draw permezz ta’ daqqa ta’ ras ta’ Guro Reiten.
Ħames minuti mill-ftuħ tat-tieni taqsima, il- Ġappuniżi regġħu marru fil-vantaġġ minn Risa Shimizu meta x-xutt tagħha ġie devjat għal ġox-xibka.
Fil-81 minuta, huma aċċertaw mir-rebħa meta Hinata Miyazawa kkontrollat il-ballun qabel ma tefgħetu fir-rokna tax-xibka biex b’dan il-goal hija telgħet fil-quċċata tal-lista tal-iskorers ta’ dan it-tournament.
L-avversarji tagħhom se jkunu r-rebbieħa bejn l-Isvezja u l-Istati Uniti.
