Franza …….. 4
Marokk ……..0
Franza ma sabu l-ebda diffikultá biex għelbu lill-Marokk bl-iskor ta’ 4-0, b’dawn tal-aħħar sellmu lil dan it-tournament b’mod denju hekk kif ġibdu l-ammirazzjoni ta’ kulħadd.
Huma kienu qed jimmiraw li jsiru l-ewwel team mill-kontinent Afrikan li jirbaħ partita mill-fażi eliminatorja … iżda sabu quddiemhom avversarji mill-aktar diffiċli u fost il-favoriti li jirbħu dan l- unur prestiġjuż.
Fir-round li jmiss, Franza se jiffaċċjaw lit-team ospitu tal-Awstralja u jridu jagħrfu kif se jrażżnu lill-partitarji.
Intant, kif jindika r-riżultat, il-Franċiżi ddominaw dan il-konfront mill-bidu sal-aħħar u qatt ma dehru f’xi periklu li setgħu jitilfu dan il-konfront.
Wara bidu kwiet, Les Bleues skorjaw tliet goals fi spazju ta’ tmien minuti.
Kienet Kadidiatou Dian (15) li fetħet l-iskor permezz ta’ daqqa ta’ ras u ħames minuti wara assistejna għall-goal mill-isbaħ meta Kenza Dali bdiet azzjoni min-nofs il-ground li kkonkludietha b’xutt minn tarf il-kaxxa l-kbira.
Imbagħad Eugenie Le Sommer (23, 70) irreġistrat doppjetta b’goal f’kull taqsima biex issiġillat ir-rebħa Franċiża.
