Ġappun ……….2
Costa Rica ……0
Il-Ġappun kkwalifikaw mal-Aħħar 16 wara li għelbu lil Costa Rica bl-iskor ta’ 2-0, li min-naħa tagħhom sfaw eliminati.
Iż-żewġ goals waslu fi spazju ta’ tliet minuti fl-ewwel taqsima biex aċċertaw ir-rebħa liċ-champions tal-2011.
Kienet Hikaru Naomoto (25) li fetħet l-iskor b’xutt fil-baxx minn pożizzjoni angolata wara li rċeviet mingħand Mina Tanaka.
Żewġ minuti wara, l-istess bdiet azzjoni fejn xeħtet fuq il-lemin lejn Aoba Fujino li daħlet fil-kaxxa u b’xutt li ma jaħfirx għelbet lill-goalkeeper, Daniela Solera, li kienet providenzjali biex żammet l-iskor wieħed rispettabbli hekk kif salvat xejn inqas minn 17-il tentattiv miftugħin lejha.
