Korea t’Isfel ……. 1
Ġermanja ……….. 1
Il-Ġermanja, champions tad-dinja darbtejn, fl-2003 u fl-2007, sfaw eliminati wara li ġew miżmuma mill-Korea t’Isfel bl-iskor ta’ 1-1.
Din hija l-ewwel darba fl-istorja li l-Ġermaniżi naqsu milli javvanzaw għall-fażi eliminatorja.
Bla dubju, li dan huwa diżappunt kbir fil-kamp Ġermaniż hekk kif sentejn ilu kienu finalisti tal-Kampjonat Ewropew.
L-aspettativi tal-Ġermaniżi li jgħaddu mal-Aħħar 16 kienu għoljin … iżda ġġarrfu fis-sitt minuta meta l-Koreani fetħu l-iskor minn Cho So-hyun.
Madankollu, tliet minuti minn tmiem l-ewwel taqsima, Alexandra Popp, għamlet l-iskor indaqs biex skorjat ir-raba’ goal personali f’dan it-tournament.
U l-affarijiet għall-Ġermaniżi komplew jikkomplikaw ruħhom meta semgħu li l-Marokk skorjaw kontra l-Kolumbja.
Popp kienet l-unika tama għall-Ġermaniżi u filwaqt li kienet miżmuma f’morsa mid-difensuri avversarji, hija ġiet imċaħħda mill-mimduda.