Portugall …….2
Vjetnam ……..0
Il-Portugall għelbu lil Vjetnam bl-iskor ta’ 2-0 biex filwaqt li eliminaw lill-istess Vjetnamiżi, issa huma se jilagħbu f’konfront deċiżiv kontra l-Istati Uniti fejn iridu rebħa biex jikkwalifikaw mal-Aħħar 16.
Din kienet l-ewwel rebħa tal-Portugall hekk kif qed jagħmlu d-debutt tagħhom fil-fażi finali ta’ din il-kompetizzjoni.
Iż-żewġ goals waslu fl-ewwel taqsima minn Velosa Encarnacao (7) meta kompliet għal ġewwa mill-cross fil-baxxa ta’ Lucia Alves biex dan kien l-ewwel goal Portugiż f’fażi finali.
Huma rduppjaw fit-22 minuta mill-player ta’ 20 sena, Ramos Ribeiro Nazareth Sousa, permezz ta’ xutt qawwi.
Minkejja din ir-rebħa, il-coach Portugiż, Francisco Neto, sostna li jridu jitjiebu ferm għall-partita diretta kontra l-Istati Uniti minħabba li għandhom teknika kbira.
