Awstralja ….1
Irlanda …….0
Quddiem 75,704 spettatur, f’Sydney, l-Awstralja għelbu lill-Irlanda bl-iskor ta’ 1-0 permezz ta’ penalty skorjat minn Steph Catley fit-tieni taqsima.
Catley, li ngħatat il-faxxa ta’ captain fin-nuqqas ta’ Sam Kerr li kienet qed tirkupra minn injury fil-pexxul, ikkonvertiet mill-11-il metru, fit-52 minuta.
L-Irlandiżi kienu avversarji denji iżda x-xogħol tajjeb tagħhom sfuma fix-xejn meta Marissa Sheva imbuttat lil Hayley Raso fil-kaxxa għal dak li deher penalty ċar.
L-Irlandiżi resqu viċin minn Megan Connolly, Katie McCabe u Louise Quinn li setgħu kisbu d-draw.
Lejn it-tmiem huma żiedu l-pressjoni iżda sabu quddiemhom difiża organizzata u dixxiplinata.
