Awstralja ……..2
Danimarka ……0
Quddiem 75,784 spettatur, il-ko-ospitanti, l-Awstralja, ikkwalifikaw għall-kwarti-finali tat-Tazza tad-Dinja tan-Nisa 2023 li qe tintlagħab fl-Awstralja u fi New Zealand, meta għelbu lid-Danimarka bl-iskor ta’ 2-0 bil-goals jaslu wieħed f’kull taqsima.
Kienet Caitlin Foord li, fid-29 minuta, fetħet l-iskor għall-Matildas li sabet ix-xibka minn qagħda djagonali wara li rċeviet minn Mary Fowler.
Wara l-mistrieħ, id-Daniżi ppruvaw jagħmlu reazzjoni biex jiksbu l-goal tad-draw iżda kienu l-Awstraljani, li fis-70 minuta, irduppjaw meta Hayley Raso tefgħet ġewwa wara xogħol tajjeb ta’ Emily van Egmond.
B’din ir-rebħa, issa l-Awstraljani jaffrontaw ir-rebbieħ bejn Franza u l-Marokk liema partita se tintlagħab proprju llum hekk kif ikunu magħrufa l-aħħar tmienja.
