Ingilterra ……..1
Haiti …………….0
Fl-ewwel dehra tagħhom ta’ dan it-tournament, l-Ingilterra ddiżappuntaw bil-kbir meta kellhom jitħabtu biex għelbu lil Haiti bl-iskor ta’ 1-0.
L-uniku goal tal-partita wasal, fid-29 minuta, minn penalty mogħti minn Georgia Stanway li skorjat fit-tieni tentattiv tagħha wara li l-VAR kien iġġudika li l-goalkeeper ta’ Haiti, Kerly Theus, ħarġet minn fuq il-linja tagħha kmieni wisq hekk kif salvat ix-xutt mill-11-il metru.
Haiti, kklassifikati fit-53 post tar-rankings tad-dinja, kienu perikolużi fl-attakk – speċjalment iż-żagħżugħa mpressjonanti immens Melchie Dumornay, li kienet l-aktar plżyer effettiv fil-ground.
F’nofs it-tieni taqsima, hija kienet għoddha kisbet id-draw iżda ġiet antiċipata fil-ħin mill-captain Millie Bright.
