Kanada …….2
Irlanda …….1
Il-Kanada dawru telfa f’rebħa biex għelbu lill-Irlanda bl-iskor ta’ 2-1 li min-naħa tagħhom sfaw eliminati wara li tilfu ż-żewġ partiti tagħhom.
Kienet il-captain, Katie McCabe, li wara biss erba’ minuti fetħet l-iskor għall-Irlandiżi dirett minn corner.
Il-Greens ħolqu bosta ċansijiet ta’ skor biex setgħu skorjaw it-tieni goal kontra ċ-champions Olimpiċi.
Iżda talli naqsu li jagħmlu dan huma ġew ikkastigati fil-ħames minuta addizzjonali tal-ewwel taqsima, meta Megan Connolly ikkommettiet auto-goal mill-cross ta’ Julia Grosso.
Imbagħad, fit-52 minuta, Adrian Leon skorjat dak li kellu jkun il-goal tar-rebħa b’xutt għar-rokna tax-xibka wara li qabżet lil McCabe.
L-Irlandiżi ppruvaw jagħmlu xi forma ta’ reazzjoni biex jiksbu d-draw iżda sabu lid-difiża avversarja attenta.
