Stati Uniti ……1
Olanda…………1
Il-captain Lindsey Horan kienet strumentali biex salvat ir-riżultat għaċ-champions renjanti, l-Istati Uniti, fid-draw ta’ 1-1 kontra l-Olanda.
Kienet Jill Roord (17) li fetħet l-iskor għat-Tulipani meta venvnet kanunata minn tarf il-kaxxa li ma tat l-ebda ċans lill-goalkeeper, Alyssa Naeher, issalva.
L-Amerikani, li kienu super potenza fix-xena dinjija meta rebħu l-aħħar 13-il partita fuq medda ta’ tliet tournaments, kellhom jitħabtu biex jinfdu d-difiża Olandiza … sakemm, fit-62 minuta, Horan kisbet id-draw minn daqqa ta’ ras wara azzjoni ta’ corner.
F’ripetizzjoni tal-finali tal-2019 – li l-Istati Uniti rebħu 2-0 f’Lyon – Savannah DeMelo setgħet fetħet l-iskor għall-Amerikani iżda falliet ċans tad-deheb minn taħt il-lasti filwaqt li Trinity Rodman sfurzat lill-goalkeeper, Daphne van Domselaar, twettaq save kbir.
